【食得唔好嘥】紅石榴核含豐富膳食纖維？營養師推薦食法保證牙骹不受罪

　　紅石榴，有很多粉絲；不單止顏色鮮艷令菜式份外吸引，其酸甜肉汁在夏天亦能提高食慾。每幾個月，EatClean同學會就會有人問，究竟紅石榴核應不應該進食？

　　其他人的答案都比較兩極：有人會留言「好嘢當然唔好嘥」，亦有人留言「啲核硬到食完牙骹軟」。

　　要回答應不應該食核，就要看一看營養成分了。

　　紅石榴核，像其他種籽一樣，含維他命E及礦物質鎂，膳食纖維含量亦豐富。而當中的纖維，主要來自纖維素及木脂素；兩者都是非水溶性，一般都不會被吸收。紅石榴核亦含有各種抗氧化多酚，及多元不飽和脂肪。

　　但與紅石榴肉汁相比之下，抗氧化含量就相差大了。紅石榴肉及汁，含更多抗氧化多酚、丹寧、及花青素。紅石榴汁之抗氧化種含量，比其他果汁、紅酒、甚至茶更高。有初步研究顯示，紅石榴汁或可有效降膽固醇、血壓、及防止心血管硬化。相反，紅石榴核就未有類似的研究結果。

食紅石榴 以攝取汁為先

　　如果只啜汁吐核，我隨時可以一次過食半個紅石榴；但如果要連核食，食了1/8個紅石榴我的牙顎已經開始累。由於紅石榴的益處集中於肉汁，而紅石榴核的營養成分跟其他種籽差不多，咀嚼不到核的話可以進食其他種籽例如亞麻籽、奇亞籽等。所以進食此水果，先以攝取汁為先，不要因咀嚼不到核而放棄進食。

減少浪費之兩個進食紅石榴方法

1.　起初連核進食，開始累就吐核繼續食肉汁

這個方法，可以進食少許核，但不會因為開始累就停止攝取紅石榴肉汁。 

2.　打Smoothie

由於紅石榴核之不溶解纖維素含量高，如果咀嚼不夠就吞下去，核太大件未能消化下反而會導致便秘。所以食核一定要確定咀嚼足夠，令核能夠磨碎，最好方法就是入食物處理器或強力攪拌機打碎了。所以另一個方法就是把紅石榴放入smoothie，能夠攝取到紅石榴汁中的花青素，亦能確保紅石榴核完全粉碎。